🌸🌸لو بإيدي.... وليد الجوهري🌸🌸
لو بإيدي ولو كنت يمك
كنت قدرت اداوي جرحك
كنت همسحلك دموعك
عشان تعود البسمه تزين ملامحك
لو بإيدي ولو كنت يمك
كنت اشيل ياعمري همك
ملعون أبو الغربه الغبيه
اللي ياما بعدتني عنك
بتبكي
لا بلاش منها الدموع
ماتخفيش والله راجع
مين اللي قال اني مش ناوي الرجوع
هما يادوب كام سنه
وراجع انا
كان لازم ندفع عشان نعيش
ومادام مفيش
ندفع سنيين من عمرنا
لو بإيدي
ما كنت اسيبك يا انا
يا اجمل واغلى هديه
جاتلي من السما
عارفه يانن عيني
لما بتوحشيني
بقعد اقرا في رسايلك
واقلب في الصور
كنت اوقات بخضك
فجاة عشان تحضنيني
نجري ونلعب ونضحك
وكنتي بتسبقيني
هانت والله راجع
هنكمل عمرنا
هنودع المواجع
ونعيش على حبنا
لو بإيدي
#الجوهري
تعليقات
إرسال تعليق