🌸🌸ساعة يأس.... أشعار بسام ابو مصطفى🌸🌸
💓 ساعة يأس 💓
****---****--****
بقول هالك بعلو الصوت أنا رافضك
وارفض أي شيء فيا 💓 يخطي ف يوم على أرضك
يا ساعة يأس مغرورة 💓 و فاكرة الصورة مكسورة
أنا حالف أعيش بكرة 💓 و أعدي الماضي و الذكرى
أنا حالف أكون إنسان
ومهما تهدي ف قوايا 💓 حتلقي الصبر جوايا
بيتنفس كما البركان
تعالي وهدي من فضلك شعور بيكي
مفيش ذرة ف تكويني 💓 حتستسلم ف يوم ليكي
ما أنا عارفك بقالي سنين 💓 ومش حتخم ف التكوين
تجيلي بصورتك الواضحة 💓 تخبي ملامحك الجارحة
أنا فاهم الاعيبك
محال أرضي أعيش مهزوم 💓 وأشوف منك عذاب وهموم
وأسيب نفسي لتعذيبك
يا ساعة يأس حيفيدك عذابي ف إيه
ما أنا راحل من الدنيا 💓 ولو كانوا ولاد الإيه
ف صفي أو معادينني 💓 ف ضهري أو مواجهنني
بسوء النية جواهم 💓 وإصرارهم علي ما هم
عليه ف السر والنجوي
حغير إيه ف نياتهم 💓 وهما ف كل أوقاتهم
مابين الشر والبلوي
لذا لازم أعاديك وأعاديهم
وادمر كل إحساسي 💓 بضعفي بين أياديهم
وأعود للأرض من تاني 💓 عشان الأرض وحشاني
عشان الأرض دي أمي 💓 ومش حتمل من همي
وأنا بايت ف أحضانها
وبشكيلها من الدنيا 💓 وأوجاعي ف حالات تانية
جابتني ف يوم لعنواني
يا ساعة يأس غلباني علي غلبي
حسيبك يائسة ف الدنيا 💓 واناجي بالدعا ربي
يخلص نفسي من يأسي 💓 وينصرني علي نفسي
واخطي لبكرة قدامك 💓 وادمر كل أوهامك
بإنك يوم هزمتيني
ولو راحت سنين عمري 💓 ح أقول الأمر مش أمري
دا شئ مكتوب على جبيني
💞 أشعار بسام ابو مصطفى💞
تعليقات
إرسال تعليق