🌸🌸بحر الشوق.... سامح توكل ابوالسبح🌸🌸
بحر الشوق
========
بينى وبينك بحر الشوق
والموجه أمانى وأحلام
خايف أسبح ليكى وادوق
طعم الشهد مرار وآلام
خايف حلمى يكون مسروق
غرقان جوه بحور أوهام
نفسى أتوه فى الحلم وافوق
ألقى الورد حاضننى حمام
واخدك ونطير سوا على فوق
نحضن طير السما بغرام
ونوزع أحلامنا شروق
للعشاق أشعار وسلام
ونودع ليلنا المخنوق
ونزوق فجرنا بهيام
دا القلب عشانك مخلوق
بيرفرف وجناحه يمام
بكره الضى يبان ويروق
يفرش نوره أمل بسام
=========
بقلمى سامح توكل ابوالسبح
تعليقات
إرسال تعليق